بين هنا و هناك

تقعد شاكر ربنا و راضي و تقول الحمد لله , تقعد يومين في بيئة مختلفة , و ترجع تاني نفس المكان تلاقي نفسك مش قادر .

هنا ناس افاضل شكلاً بس من جوه يعلم الله و يفتحوا شبابيك علي جنينة بيت و يرموا زبالاتهم ...

و هناك ناس بني ادمين مع بعض و مع الغريب 

هنا تبني اسوار و تعلي السور

و هناك تجيب عصايا علامة و الناس تحترم العلامة.

هنا ناس تبيع من غير فواتير و تتهرب من الضرايب و السعر غالي 

و هناك ناس تبيع بفواتير و متسجل فيها قيمة المنتج و الضريبة و عروض و اسعار رخيصة .

 مابين هنا ناس بتتكلم و تجيد الكلام عن الاخرين و تصدر احكام باسم الدين
و بين ناس مالهاش دعوة بحد
و الكل حر في اللي يلبسه و اللي يعمله
طالما بيحترم الغير و القانون .

اشوف صورة جدي و جدتي علي شط اسكندرية و لا راس البر
اقول ايه علي الرقي و الشياكة

 اشوف صور جدي و جدتي و ابي طفل صغير انذاك و هم في وسط البلد تارة و عند الاوبرا تارة اخري , و عند حدائق ايه و ايه و منتزهات تارة اخري . 

اصمت من شدة الصدمة علي حالنا الان .

 الكلام ده بكتبه من وحي تعليقاتي و حواراتي مع البعض عن حالنا و ان السبب ليس الحكومات قدر الانسان نفسه ... ... ... .. ...
ولكن حوار اخير مع الاخت الفاضلة الشاعرة  علياء هيكل اطلق في داخلي رغبة الكتابة عن المقارنة

بين هنا و هناك 

و لان الفرق بين هنا و هناك هو الانسان 
 اعتقد اني مش مسؤل غير عن نفسي , و لذا لن اقف صامت امام جهلاء و فقراء العصر عند كل سلوك و كلمة و فكرة تبث الجهل و تؤكد علي العشوائية 
علينا ان نطرد القبح بكل جمال 
ان نحارب الجهل بالعلم 
لنبداء و لا نخشي احد 
لنتكلم و لا نخشي احد
لنبذر بذور العلم و الرقي و الجمال 
دكتور جون فهيم 
و اكرر كلامي تاني و اقـــــــــــــــــــــــــــــــــــــــــــــــــــــول 
ان نجاح الدولة من نجاح الفرد , و نجاح الفرد يتوقف علي طريقة احترامه للغير . 
هي دي الخلاصة 
غير نفسك , تغير حياتك , تغير اسرتك , تتغير عائلتك , يتغير كل معارفك , تتغير بلدك 
بلدك تكون مثل اعلي . باحترامنا للاخر ... الاخر المختلف عني .
 هتبقي انسان ناجح لما تراعي الاخر و تحترم اختلافه و لغته او لهجته المختلفة و تعابيره و الفاظة المختلفة , لما نحترم انه مختلف في عقيدته او ديانته او طائفته ... ... لما نحترم الاختلاف اياً كان شكله .
هننجح لما الفرد , يتعلم احترام حدود الاخر , 
هننجح لما الفرد ,يمارس الاحترام لمعتقدات و ثقافة و افكار و .... .... الاخر ,
هننجح لما نتكلم عن الاخر ( في غيبته - عدم وجوده )* باحترام , 
هننجح لما نتكلم علي الموضوع و ننقد و نحلل موضوع مش اشخاص ,
هننجح لما نشتغل و نتعب اننا نعلم انفسنا مش غيرنا ,
هننجح لما نتعلم و نغلط و نتعلم و مانخافش التعليم
هننجح لما نعترف باننا اشخاص ضعفاء مازلنا نتعلم و نخطيء و لسنا كاملين .
انسان
انســــــــــــــــــــــــــان 

البداية في الانسان , و الخلاصة بالانسان , عشان الانسان نفسه .

 دكتور جون فهيم
trainerjohn@hotmail.com
002-01157393747